Polsha O‘zbekistonga 4,5 mln dollarlik insonparvarlik yordami yubordi
Jo‘natilgan uchta yuk mashinasida 449 ta sunʼiy nafas berish apparati bor.
Polsha O‘zbekistonga 449 ta sunʼiy nafas berish apparatlarini beg‘araz yubordi, deb xabar bermoqda “Dunyo” AA.
Qayd etilishicha, “Bellavista” IVL apparatlari Shveysariyada ishlab chiqarilgan bo‘lib, bolalar va kattalar uchun mo‘ljallangan. Ushbu zamonaviy tibbiyot texnikalari Qoraqalpog‘iston va Xorazm viloyati shifoxonalariga yuboriladi.
20 iyul kuni O‘zbekistonga jo‘natilgan uchta yuk mashinasida jami 449 ta shunday apparatlar bo‘lib, ularning umumiy qiymati 4,5 million dollarni tashkil etadi.
Polsha 2020 yilda O‘zbekistonga 300 ming dollarlik insonparvarlik yordami — shaxsiy himoya vositalari, tibbiy o‘lchash moslamalari va COVID-19‘ga qarshi kurash uchun mo‘ljallangan dori-darmon vositalari yuborgandi.
