Ukraina birinchi marta Qrim ko‘prigiga qilingan hujumga aloqadorligini rasman tan oldi
Ukraina xavfsizlik xizmati rahbari uning bo‘limi 2022-yil oktabr oyida Qrim ko‘prigini portlatganini aytdi
Ukraina xavfsizlik xizmati birinchi marta 2022-yilda Qrim ko‘prigiga qilingan hujumga aloqadorligini rasman tan oldi.
Ukraina xavfsizlik xizmati rahbari Vasiliy Malyuk 2022-yilda Qrim ko‘prigida o‘tkazilgan noyob maxsus operatsiya UXX ishi ekanligini birinchi marta rasman tasdiqladi, deb xabar beradi “RBK-Ukraina”.
"Ko'p turli xil maxsus operatsiyalar. Biz ularning ba'zilari haqida g'alabadan keyin gaplasha olamiz, ba'zilari haqida umuman gapirmaymiz ... Bu bizning amalga oshirishimizdan biri, ya'ni: o'tgan yilning 8 oktyabrida Qrim ko'prigining vayron bo'lishi" - dedi Malyuk.
Ma'lumot uchun, Qrim ko‘prigining birinchi portlashi 2022-yil oktabr oyida yuk mashinasida portlovchi moddalar yordamida sodir bo‘lgandi. Ikkinchi portlash esa 2023-yil iyul oyida ko'prik qayta tiklanganidan so'ng uchuvchisiz yer usti vositalari yordamida yana portlatib yuborildi. Rossiya yana Ukrainani voqeada aybladi. Kiyev buning uchun javobgarlikni rasman o‘z zimmasiga olmadi, biroq prezident Vladimir Zelenskiy portlashdan so‘ng Qrim ko‘prigi “zararsizlantirilishi kerak bo‘lgan” nishon deb atadi .
