Toshkentda liftda qamalib qolishi oqibatida vafot etgan ayol ishi yuzasidan ma'lumot berildi
Holat yuzasidan jinoyat ishi qo'zg'atildi.
Avvalroq Toshkent shahridagi ko‘p qavatli uylarning birida liftning nosozligi oqibatida qamalib qolib, 3 kundan keyin jasadi topilgan 32 yoshli ayol haqida xabar berilgandi.
Bosh prokuratura axborot xizmati maʼlumotlariga ko‘ra, Mirzo Ulug‘bek tumanidagi ko‘p qavatli uyning liftida 32 yoshli ayol vafot etganligi holati yuzasidan Jinoyat kodeksining 186-moddasi (Xavfsizlik talablariga javob bermaydigan tovarlarni o‘tkazish maqsadini ko‘zlab ishlab chiqarish, saqlash, tashish yoxud o‘tkazish, ishlar bajarish yoki xizmatlar ko‘rsatish) bilan jinoyat qo‘zg‘atilgan.
Ta'kidlanishicha, tergov o‘tkazish yo‘li bilan qonuniy qaror qabul qilinishi taʼminlanadi.
