Avgust oyi qanday ob-havo bilan boshlanishi ma'lum qilindi
"O'zgidromet" 31-iyuldan 4-avgustgacha kutilayotgan ob-havo prognozini e'lon qildi.
"O'zgidromet" ma'lumotlariga ko'ra, ushbu hafta davomida O‘zbekiston hududi bo‘yicha o‘rtacha issiq ob-havo saqlanib turadi. Kunduz kunlari havo 35-40 darajagacha, janubda va cho‘l hududlarda ba’zi joylarda 42 darajagacha isiydi.
Qayd etilishicha, havo biroz bulutli bo‘ladi, ba’zi joylarda o‘zgarib turadi, yog‘ingarchilik kutilmaydi, faqat Toshkent viloyati va Farg‘ona vodiysi viloyatlarining tog‘li hududlarida 1-avgust kuni qisqa muddatli yomg‘ir yog‘ishi, momaqaldiroq bo‘lishi mumkin.
Shuningdek, 31-iyul va 1-avgustda shimolda va cho‘l hududlarda, 3-4 avgustda respublika bo‘yicha ba’zi joylarda shamol tezligi 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Ta'kidlanishicha, keyingi dam olish kunlarida respublika bo'yicha harorat foni biroz pasayishi kutilmoqda. Jumladan, kunduzgi harorat 33-38 daraja atrofida bo‘ladi.
