O'zbekistonda avgust oyida kuzatiladigan ob-havo ma'lumoti e'lon qilindi
Hududlarda avgust oyida o‘rtacha issiq bo‘lishi kutilmoqda.
"O'zgidromet" ma'lumotlariga ko'ra, ushbu yilning avgust oyi o‘rtacha issiq bo‘ladi. Oyning dastlabki besh kunligida maksimal havo harorati 35-40 daraja atrofida bo‘ladi, so‘ngra harorat foni 33-38 darajagacha pasayadi.
Qayd etilishicha, keyinchalik avgust oyi o‘rtacha ko‘p yillik qiymatlarga yaqin bo‘lishi kutilmoqda.
"Kunduz kunlari harorat asosan 33-38 daraja atrofida, ayrim kunlarda 40 darajagacha bo‘lishi kutilmoqda. Oyning ikkinchi yarmida haroratg 30-33 darajagacha qisqa muddatli davrga pasayishi mumkin", — deyiladi xabarda.
Ushbu oyda faqat respublikaning ayrim, asosan tog‘ oldi va tog‘li hududlarida qisqa muddatli yomg‘ir yog‘ishi kutilmoqda.
