Moskvada migrantlarni noqonuniy ro‘yxatga olish bo‘yicha jinoiy ish ochildi
Ayblanuvchilar 5 yil davomida xostellar ishini tashkil qilgan.
Moskvada migrantlarni noqonuniy ro‘yxatga olish bilan shug‘ullangan jinoiy guruh tashkil etish bilan shug‘ullangan 14 kishiga nisbatan jinoiy ish qo‘zg‘atildi.
Avvalroq poytaxtdagi jinoyatchilar polisiya homiyligida 100 mingga yaqin nolegal migrantni noqonuniy ro‘yxatga olib, kamida 420 million rubl daromad olgani xabar qilingandi.
"Rossiya Davlat tergov qo‘mitasining Moskva shahrida noqonuniy migrasiyani tashkil etish va mansab vakolatini suiiste’mol qilish bo‘yicha 14 nafar shaxsga nisbatan jinoyat ishi qo‘zg‘atildi", — deyilgan xabarda.
Tergov ma’lumotlariga ko‘ra, ayblanuvchilar 2018 yildan 2022 yilgacha Moskva va Moskva viloyatida xostellar ishini tashkil qilishgan. Ular o‘zlari va ishonchli shaxslar nomiga mehmonxonalarni ro‘yxatdan o‘tkazishgan. Yotoqxonalardagi o‘rinlardan oshirib, chet elliklarni vaqtinchalik ro‘yxatga olishgan.
