Andijonda Cobalt YTHga uchrab, pastlikka tushib ketdi
Holat bo‘yicha YHXB ma’lumot berdi.
Andijon viloyatida 6 avgust kuni Cobalt avtomashinasi yo‘l-transport hodisasiga uchrab, pastlikka tushib ketdi. Holat bo‘yicha viloyat IIB YHXB ma’lumot berdi.
Holat soat 02:30 larda Andijon tumani “Jahonobod” MFY hududidan o‘tuvchi avtomobil yo‘lida yuz bergan. 2001 yilda tug‘ilgan haydovchi I.A. o‘zining Cobalt rusumli transport vositasida belgilangan tezlik me’yorlariga amal qilmaganligi oqibatida rul boshqaruvini yo‘qotgan. Shundan so‘ng Bog‘i Bobur ko‘chasidagi gulzorga urilib, yo‘l-transport hodisasi sodir etgan.
Ushbu YTH oqibatida hech kim tan jarohati olmagan, transport vositasi texnik shikastlangan.
