Hafta davomida kuzatiladigan ob-havo ma'lumoti e'lon qilindi
O'zbekistonda hafta oxiriga borib havo harorat pasayishi kutilmoqda.
"O'zgidromet" ma'lumotlariga ko'ra, kecha, 6-avgustdan O‘zbekiston hududiga Ural hududlaridan nam va nisbatan salqin havo kirib kelishni boshlagan. Natijada havo harorati respublikaning katta qismida 30-35 darajagacha pasaydi.
Ta'kidlanishicha, bugun va ertaga respublika bo‘yicha harorat asosan 30-35 daraja, shimolda, janubda va cho‘l hududlarda 37-39 darajagacha bo‘lgan nisbatan salqin ob-havo saqlanib turadi. Farg‘ona vodiysi viloyatlarida, shuningdek, bugun, 7-avgust kunning ikkinchi yarmida Toshkent viloyati bo‘yicha ba’zi joylarda qisqa muddatli yomg‘ir yog‘adi, momaqaldiroq bo‘lishi mumkin.
Hafta o‘rtasida O‘zbekiston bo‘yicha havo asosan kam bulutli bo‘ladi, yog‘ingarchilik kutilmaydi. Havo harorati ko‘tariladi va 35-37 daraja atrofida, janubda va cho‘l hududlarda 38-39 darajagacha bo‘ladi.
Hafta oxiriga kelib, harorat foni 2-3 darajagacha pasayishi kutilmoqda.
