Istanbulda toza suv zaxirasi tugayapti

 

Turkiyaning eng yirik shaharlaridan biri Istanbul aholisi toza suvsiz qolishi mumkin. Mamlakatda issiqlik tufayli suv havzalari sayoz bo‘lib qoldi. Fuqarolardan imkon qadar suvni tejash so‘raladi.

 

Yaqinda yangi harorat rekordi qayd etildi. Termometrlar 49,5 darajani ko‘rsatgan. 

 

Istanbulni ta’minlaydigan o‘nta suv omborining barchasi deyarli sayoz. O‘tgan yilning avgust oyida ular 62 foizga to‘ldirilgan bo‘lsa, hozir ular uchdan biriga ham yetmagan.

 

“Agar bu uzoq davom etsa, Istanbul jiddiy muammolarga duch keladi. Rasmiylar nimadir qilishlari kerak. Qurg‘oqchilik allaqachon eshik qoqmoqda. Shahar kuniga o‘rtacha 3,5 million kub metr suv iste’mol qiladi. Va omborlardagi suv 300 milliondan kam qoldi, ya’ni taxminan 90 kunga yetadi. Ammo bunday issiqda suv tez bug‘lanishini hisobga olsak, bundan ham kamroq vaqt bor", - deydi ekolog Merik Albay.

 

Rasmiylar aholidan uni tejashni talab qilmoqda, bu - falokatdan qochish va qandaydir tarzda yomg‘irli mavsumga yetib borishning yagona yo‘li.