Trampning himoyachilari uning sud jarayonini 2026-yilga qoldirishni so'ramoqda
Sud uning 2024-yilgi prezidentlik saylov kampaniyasiga ta'sir qiladi.
AQShning sobiq prezidenti Donald Trampning himoyachisi suddan Kapitoliyga bostirib kirish bo'yicha sud jarayonini 2026-yilda boshlashni so'ramoqda.
Avvalroq Tramp 2024-yilgi saylov kampaniyasi tugaguniga qadar sud qilinmasligi kerakligini aytgandi. Kapitoliyga bostirib kirish ishida prokuror suddan jarayonning tezlashtirilgan tartibini so'rashini aytdi.
Bu holatda Trampga “AQShni aldash maqsadida fitna uyushtirish”, “rasmiy tartib-qoidalarga aralashish maqsadida fitna uyushtirish” ayblovlari qo‘yilgan.
Aytilishicha, Tramp o‘zining nomlari oshkor qilinmagan olti nafar sherigi yordamida ushbu harakatlarni sodir etgan.
2021-yil 6-yanvarda Tramp tarafdorlari Kongressni bir necha soat davomida to‘sib qo‘yib, Kapitoliyga hujum qilishdi. Namoyishchilar binodan chiqarib yuborilgach, kongressmenlar prezidentlik saylovlarida Jo Baydenning g‘alabasini ma’qulladilar. Keyinchalik Qo'shma Shtatlarda yuzlab odamlar hujumda ishtirok etganlikda ayblanib, huquq-tartibot organlari tomonidan hibsga olindi.
