“Rossiya bu ishi uchun javob beradi”
Zelenskiy Rossiyaning Chernigovga hujumini qoraladi.
“Ukraina askarlari Rossiyaning Chernigovdagi teraktiga aniq javob beradi”, dedi pezident Vladimir Zelenskiy.
Uning eslashicha, Chernigovda Rossiyaning raketa zarbasi oqibatida yetti kishi halok bo‘lgan, ular orasida 6 yoshli qiz ham bor.
“144 nafar yarador va ularning orasida 15 nafar bola ham bor. Ishonchim komilki, bizning askarlar bunga javob qaytarishadi. Rossiya bu terakt uchun aniq javob beradi”, dedi u.
Zelenskiy o‘z murojaatida Rossiya raketa hujumi oqibatlarini bartaraf etish bo‘yicha Chernigovdagi shoshilinch va tibbiy xizmatlar ishini qayd etdi.
Prezident, shuningdek, davlatlar va xalqaro tashkilotlar vakillari Rossiyaning Chernigovga hujumini qoralaganini qo‘shimcha qildi. Zelenskiy dunyoda Ukrainaga hamdardlik bildirgan barchaga minnatdorchilik bildirdi.
