Yangilik va o‘zgarishlarga boy o‘tgan BRIKS sammiti
Tadbir yakunlari va natijalari.
BRIKSga aʼzo davlatlar rahbarlari sammitning so‘nggi kunida xalqaro savdoda milliy valyutalardan foydalanish tarafdori bo‘ldi. Vladimir Putin videoaloqa orqali milliy valyutalarda to‘lovlar mavzusini yana bir bor ko‘tardi va yangi mamlakatlarni qutladi.
Vladimir Putin BRIKS davlatlari halol, teng huquqli va o‘zaro hurmat asosida muloqotga tayyor ekanini taʼkidladi. Rejalarga boshqa davlatlar, shuningdek, mintaqaviy integratsiya tuzilmalari bilan hamkorlikni kengaytirish kiradi. Ular orasida MDH, SHHT, Fors ko‘rfazi arab davlatlari hamkorlik kengashi bor. Rossiya Afrika qitʼasi bilan aloqalarni yana-da mustahkamlash niyatida.
Kelgusi yilda assotsiatsiya tarkibi rasman olti davlatga ko‘paysa, BRIKSga raislik Rossiyaga o‘tadi.
“Biz yangi aʼzolarni qutlaymiz va kelajakda yangi davlatlar qo‘shilishi mumkin bo‘lgan mezonlarni qabul qildik. Shuningdek, biz milliy valyutalardan foydalanishga qaror qildik, bu esa bozordagi o‘zgaruvchanlikka bog‘liqligimizni kamaytirishi mumkin”, — dedi Braziliya prezidenti Lula da Silva.
