"Perevod" imtihonida ishtirok etganlarning qariyb 90 foizi belgilangan talabni bajara olmadi
Hududga kirishda tartib-qoidani buzgani uchun jarayondan chetlatilgan talabgorlar soni OTMlarga kirish test sinovlariga nisbatan 25 baravar ko‘p.
O‘qishni ko‘chirish bo‘yicha test sinovida ishtirok etgan talabgorlarning 89,2 foizi talabni bajara olmagan.
Bilim va malakalarni baholash agentligi ma'lumotlariga ko'ra, talabalar o‘qishini xorijiy va nodavlat OTMlardan davlat OTMlariga ko‘chirish bo‘yicha o‘tkazilgan imtihonlarda jami 41 122 nafar talabgor ishtirok etdi.
Bunda alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar OTMlar tomonidan, test sinovlari esa Bilimni baholash agentligi tomonidan o‘tkazildi.
Qayd etilishicha, test sinovida ishtirok etgan 41 122 nafar talabgorning 4 433 nafari (10,8 foiz) talabni bajargan bo‘lsa, 36 689 nafari (89,2 foiz) talabni bajara olmagan.
O‘qishni ko‘chirish bo‘yicha test sinovlarida 41 122 nafar talabgordan 75 nafari test sinovi jarayonida tartib-qoidani buzgani uchun test sinovidan chetlatilgan. Shuningdek, hududga kirishda esa 78 nafar talabgor tartib-qoidani buzgani uchun jarayondan chetlatilgan.
