Kamerunlik ayol bir vaqtda 9 nafar bolani dunyoga keltirdi
Ayol EKO protsedurasidan so'ng homilador bo'lgan.
Kamerunda yashovchi Antoniya Madou Obianuju bir vaqtning o'zida to'qqiz nafar bolani dunyoga keltirdi. 45 yoshli ayol EKO protsedurasidan so'ng homilador bo'lgan.
Antoniya olti qiz va uch o'g'ilning onasi bo'ldi. Ayol ultratovush tekshiruvidan o'tganidan keyingina gizaklar kutayotganini bilgan. Shuning uchun to'qqiz farzandning tug'ilishi o'zi uchun kutilmagan voqea bo'ldi. Obianuju sodir bo'lgan voqeadan so'ng Xudo uchun imkonsiz narsa yo'q ekanligiga yana bir bor amin bo'ldi.
U bir vaqtning o'zida to'qqizta chaqaloqni dunyoga keltirgan dunyodagi ikkinchi ayol bo'ldi. Obianujudan avval Malida yashovchi Halima Sisse 2021-yilda bir vatqda 9 bolaning onasiga aylanib, Ginnesning rekordlar kitobiga kirgan.
