Germaniya kansleri qaroqchi obrazidagi fotosini eʼlon qildi
Olaf Shols surat ostiga qiziqarli tvit ham yozib qoldirdi.
Germaniya kansleri Olaf Shols o‘tgan dam olish kunlari yugurish paytida yuz bergan jarohatlarni yashirish uchun ko‘ziga qora patch qo‘ydi. Bu haqda u X ijtimoiy tarmog‘ida (sobiq Twitter) maʼlum qildi, deb xabar berdi Deutsche Welle nashri.
"Memlarni kutmoqdaman. Yaxshi tilaklar uchun rahmat. Bundan battari bo‘lmaydi", — deyiladi tvitda.
Surat eʼlon qilinganidan so‘ng ko‘p o‘tmay minglab «layk» va sharhlar to‘pladi. Izohlar orasida qaroqchilar shlyapa kiygan, qilich ko‘targan Sholsning memlari ham bor edi. Boshqalar esa Germaniya kansleriga tezroq sog‘ayib ketishini tiladi.
Federal hukumat matbuot kotibi Shteffen Xebeshtraytning so‘zlariga ko‘ra, surat «hamma prezidentning kelasi bir-ikki hafta ichida qanday ko‘rinishga ega bo‘lishiga ko‘nikishi uchun» chop etilgan.
Shols yakshanba kungi uchrashuvlari va chiqishlarini bekor qilishga majbur bo‘lgan, ammo bu uning boshqa kunlardagi rejalariga taʼsir qilmadi.
