Anomal issiq kuzda ham davom etadi
AQSh va Yevropani jazirama qamrab olgan.
2023-yilning yozi tarixdagi eng issiq bo‘ldi, deydi meteorologlar. Bu yil kuzda ham yuqori harorat saqlanib qoladi.
AQShning Vashington shahriga kelgan sayyohlar ko'plab diqqatga sazovor joylarni ziyorat qilishdan voz kechishga qaror qilishdi. Buning sababi holdan toydiruvchi issiqlikdir.
Ob-havo prognozlariga ko‘ra, bu hafta AQSh poytaxtida havo harorati Selsiy bo‘yicha 38 darajagacha ko‘tarilishi mumkin.
Yevropada ham anomal issiqlik davom etadi. Belgiyada sentabr boshida havo harorati 30 darajadan oshdi. Qirollik meteorologiya instituti mamlakatning aksariyat hududlari uchun sariq ogohlantirish e'lon qildi.
Prognozga ko‘ra, jazirama to‘lqin kamida yana bir hafta pasaymaydi. Fransiyada ham haddan tashqari yuqori harorat kuzatilmoqda. Mamlakat janubida, Lionda havo harorati 33 darajaga yetdi, o‘rta g‘arbida esa 39 daraja issiq qayd etildi.
