Amerikaning bir shtati AQSHdan ajralib chiqmoqchi
Bunga o‘rmon yong‘inlari sabab bo‘lgani aytilmoqda.
Avgust oyidagi o‘rmon yong‘inlari Gavayidagi vaziyatni yomonlashtirdi va mahalliy aholining AQSHdan mustaqillikka erishish istagini kuchaytirdi.
Aytilishicha, g‘arbiy Mauida avgust oyida sodir bo‘lgan o‘rmon yong‘inlaridan keyin mahalliy Gavayi aholisining suverenitet uchun kurashishi kuchaydi.
Mahalliy faollarning taʼkidlashicha, Gavayi orollarini o‘z-o‘zini taʼminlaydigan orol davlati sifatida tiklash — uni bolalar va nabiralar uchun saqlab qolishning yagona yo‘li sifatida ko‘rilmoqda.
G‘arbiy Maui okrugi kengashi aʼzosi Tamara Paltin "Agar ishg‘ol tugasagina Gavayi boshqa davlatlar kabi o‘zini o‘zi boshqarishi mumkin bo‘ladi", — dedi.
Maelumot o‘rnida, Gavayi shtatidagi Maui orolida 9 avgust kuni o‘rmon yong‘ini boshlandi. Kuchli shamol tufayli yong‘in tezda Laxayna sayyohlik shahriga o‘tib, butunlay yonib ketgan. Kamida 4,5 ming kishi uy-joysiz qoldi, 114 ta o‘lim holati kuzatilgan. Mingdan ortiq odam esa bedarak yo‘qolganlar ro‘yxatiga kiritilgan.
