Qozog‘istonda o‘zbekistonlik fuqaro pora bilan ushlandi
U politsiya xodimidan maʼmuriy javobgarlikka tortmasligini so‘ragan
Qozog‘istonning Oral shahrida politsiya xodimiga pora bermoqchi bo‘lgan O‘zbekiston fuqarosi qo‘lga olindi.
Maʼlumotlarga ko‘ra, fuqaro patrul politsiya batalyoni inspektoriga 12 ming tenge pora taklif qilgan. U politsiya xodimidan maʼmuriy javobgarlikka tortmasligini so‘ragan. Hozirda Qozog‘iston Respublikasi Jinoyat kodeksining 367-moddasi 1-qismi (pora berish) bilan sudga qadar tergov harakatlari boshlandi.
“Mansabdor shaxsga pora berish Qozog‘iston Respublikasi Jinoyat kodeksining 367-moddasida nazarda tutilgan jinoiy huquqbuzarlik ekanligini eʼtibordan chetda qoldirmaslik kerak. Buning uchun eng yuqori jazo 10 yildan 15 yilgacha ozodlikdan mahrum qilishdir”, - dedi politsiya podpolkovnigi Asxat Imanbayev.
