“Tolibon” O‘zbekistonga bir vagon neftni qaytarib yubordi
U O‘zbekistonning GTL zavodidan sotib olingan.
“Tolibon” O‘zbekistonga bir vagon neft, Eronga esa to‘rt tanker dizel yoqilg‘isi qaytarib yubordi. Bu haqda “Etilaatroz” xabar berdi.
“Tolibon” standart departamenti o‘zining X ijtimoiy tarmog‘iga joylagan postida Nimro‘z portida Erondan keltirilgan to‘rtta sifatsiz dizel tankerini ortga qaytargani haqida yozgan. Hayraton savdo portidagi “Tolibon” mutasaddilari esa O‘zbekistonga bir vagon neft qaytarib yuborilganini aytishgan.
Hayratonda joylashgan “Tolibon” standart departamenti rahbari G‘ulom Yahyo Laqoniyning aytishicha, ushbu sifatsiz neft O‘zbekistonning GTL zavodidan sotib olingan va Afg‘onistonga “Anor Dara” kompaniyasi orqali olib kelingan.
Hozirda Afg‘onistonga sifatsiz neft kirib kelishiga chek qo‘yish maqsadida portlar monitoringi kuchaytirilgan.
