Ikki va undan ortiq polosali yo‘llardagi “peshexod”larga svetofor o‘rnatiladi
Tartib kelasi yildan kuchga kiradi.
O‘zbekistonda 1-yanvardan boshlab aholi punktlarida barcha yangi qurilayotgan ikki va undan ortiq polosali avtomobil yo‘llarida piyodalar o‘tish yo‘laklariga svetoforlar o‘rnatish majburiy bo‘ladi.
2024-yil 1-yanvardan boshlab aholi punktlarida barcha yangi qurilayotgan ikki va undan ortiq polosali avtomobil yo‘llarida piyodalar o‘tish yo‘laklarini svetoforlar bilan to‘liq jihozlash majburiy bo‘ladi. Bu prezidentning «O‘zbekiston — 2030» strategiyasini 2023 yilda sifatli va o‘z vaqtida amalga oshirish chora-tadbirlari to‘g‘risidagi qarorida keltirilgan.
Shuningdek, aholiga “O‘zbekiston-2030” strategiyasini amalga oshirish jarayonini baholash, o‘z fikr va tashabbuslarini bildirish imkoniyatini beruvchi onlayn portal ishga tushiriladi.
