Marokashdagi zilzila qurbonlari soni 2800 kishidan oshdi
Qurbonlar soni yana ortishi mumkin. Hozirda tabiiy ofat hududida qidiruv-qutqaruv ishlari davom etmoqda.
Marokashdagi zilzila oqibatida halok bo‘lganlar soni 2 ming 862 kishiga, jarohatlanganlar soni esa 2 ming 562 nafarga yetdi, deb xabar berdi "Anadolu" agentligi.
Marokash Ichki ishlar vazirligi 8-sentabrda sodir bo‘lgan zilzila haqida yangi maʼlumot eʼlon qildi.
Vazirlik bayonotida, epitsentri Marrakeshning El-Xuz tumanida bo‘lgan 7 magnitudali zilzila qurbonlari soni 2862 nafarga, yaralanganlar soni esa 2562 nafarga yetgani aytilgan.
Marokash matbuoti 8-sentabrda mahalliy vaqt bilan soat 23:10 da sodir bo‘lgan zilzila poytaxt Rabat, Kasablanka, Meknes, Agadir va Fesda sezilganini xabar qildi.
Qurbonlarning asosiy qismi Al-Xauz, Tarudant, Shivava, Varzazat, Marrakesh, Azila, Agadir, Kasablanka va Yusifiy viloyatlarida qayd etilgan.
Tabiiy ofat hududida qidiruv-qutqaruv ishlari davom etmoqda. Ularga fuqaro mudofaasi kuchlari bilan bir qatorda harbiylar ham jalb etilgan.
Zilzila mamlakat tarixida o‘tgan asrdagi eng yirik zilzila bo‘ldi.
