“Barbi” yilning eng yaxshi filmi bo‘lishi mumkin
Film bir nechta yo‘nalishda Oskar mukofotiga daʼvogarlik qilishi aytilmoqda.
“Warner Bros” Amerika kino akademiyasiga rejissyor Greta Gervig tomonidan suratga olingan Barbi filmini Oskar nominatsiyalari ro‘yxatiga kiritishni taklif qildi.
Film “Eng yaxshi original ssenariy” nominatsiyasida mukofot olish huquqiga ega bo‘ladi, Ken rolini ijro etgan aktyor Rayan Gosling esa “Eng yaxshi ikkinchi darajali aktyor” nominatsiyasiga nomzod bo‘ladi.
Kino ekspertlarining fikricha, Barbi yana bir nechta nominatsiyalar uchun, masalan, “Eng yaxshi qo‘shiq”, “Eng yaxshi rejissyor” va “Yilning eng yaxshi filmi” nominatsiyalarida raqobatlasha oladi.
Oskar nomzodlarining yakuniy ro‘yxati 11 yanvar kuni bo‘lib o‘tadigan akademiya aʼzolari ovoz berishdan so‘ng maʼlum bo‘ladi.
