Ertaga Toshkentning 2 ta tumanida “svet” o‘chiriladi
Bu haqda poytaxt hokimligi maʼlum qildi.
Kuz-qish mavsumiga puxta tayyorgarlik ko‘rish maqsadida Toshkentning ayrim tumanlaridagi qator ko‘chalarda elektr taʼminoti vaqtincha to‘xtatiladi. Bu haqda poytaxt hokimligi maʼlum qildi.
Qayd etilishicha, isteʼmolchilarga sifatli va barqaror elektr energiyasi yetkazib berilishini taʼminlash va elektr tarmoqlaridagi avariyaviy holatlarni oldini olish maqsadida ertaga, 19 sentyabr kuni quyidagi manzillarda elektr taʼminoti vaqtincha o‘chiriladi:
—Uchtepa tumani: “A.Qodiriy” va “Ko‘kcha Oqtepa” MFYlarining ayrim ko‘chalarida soat 09:00 dan 17:00 gacha;
—Mirobod tumani: “Oybek” MFYning ayrim ko‘chalarida soat 09:00 dan 17:00 gacha.
“O‘z navbatida, yuqoridagi hududlarda taʼmirlash ishlari belgilangan vaqtdan avvalroq yakunlanishi mumkinligini bildirib o‘tamiz”, — deyiladi.
