“Xitoy havo shari razvedka maʼlumotlarini to‘plamagan”
Pentagon urib tushirilgan shar haqida qo‘shimcha maʼlumot berdi.
Joriy yilning fevral oyida AQSH hududida urib tushirilgan Xitoy havo shari razvedka maʼlumotlarini to‘plamagan. Bu haqda AQSH Qurolli kuchlari qo‘mondonlik va nazorat shtabi boshlig‘i general Mark Milli maʼlum qildi.
“Men bu razvedka shari ekaniga aminman, ammo biz yuqori ishonch bilan aytamizki u hech qanday razvedka maʼlumotlarini yig‘magan va Xitoyga hech qanday razvedka maʼlumotlarini yubormagan”, — dedi general jurnalistlarning savoliga javob berar ekan.
Millining so‘zlariga ko‘ra, Xitoy havo shari o‘z yo‘nalishini yo‘qotgan bo‘lishi mumkin.
Eslatib o‘tamiz, fevral oyi boshida AQSH harbiy-havo kuchlari Janubiy Karolina sohillarida bir necha kun davomida AQSH uzra uchib yurgan Xitoy havo sharini urib tushirgandi.
