Dunyodagi eng xavfli ayol kimligi maʼlum qilindi
Ekspert aytganidek, bu shaxsga o‘ta jiddiy yondashish kerak.
AQSH va boshqa davlatlar Shimoliy Koreya Mehnat partiyasi Markaziy qo‘mitasi mansabdori, yetakchi Kim Chen Inning singlisi Kim Yo Chjonga past baho bermasligi kerak.
Shimoliy Koreya bo‘yicha ekspert Sun Yun Li telekanalga aytganidek, bu shaxsga o‘ta jiddiy yondashish lozim.
"Kim Yo Chjon haqiqatan ham Koreya tarixidagi va balki butun dunyo tarixidagi eng xavfli ayoldir. U nisbatan yosh bo‘lsa-da ( 2023 yil sentyabr oyi oxirida 36 yoshga to‘ladi) unga eʼtiborsiz bo‘lish yaxshilikka olib kelmaydi", — deb tushuntirdi ekspert.
Uning qo‘shimcha qilishicha, Kim Yo Chjon akasi Kim Chen In bilan birga Shimoliy Koreyaning yadroviy arsenalini boshqarishi mumkin. Song Yun Li KXDR yetakchisining singlisi ambitsiyali, aqlli va shafqatsiz ekanini taʼkidladi.
Ekspert shuningdek, Kim Yo Chjon o‘z mamlakati iyerarxiyasida o‘ziga xos nufuzli o‘rin egallashini qo‘shimcha qilgan.
