Malayziyalik yigit iPhone olish uchun 7 yil pul yig‘di
U tangalarni idishlar va chipli qutilarda saqlagan.
Malayziyalik Muhammad Hofiz Abdul iPhone 14 smartfoni sotib olish uchun 2016 yilda pul yig‘ishni boshlagan. U avvaliga 50 sentlik tangalarni kichik idishlar va chipli qutilarda saqlagan. Keyinchalik tangalar ko‘paygani bois u 19 litrli suv idishda yig‘a boshlagan.
7 yil davomida yig‘ilgan pullar evaziga yigit o‘z orzularini ro‘yobga chiqardi: 1 100 dollarga iPhone 14 sotib oldi.
Ammo yigit bu ish juda zerikarli va odamdan katta sabr-toqat talab qilishini aytgan.
