Yevroittifoq Tunisga birinchi naqd transhni berishni boshlaydi
Buning evaziga Yevropaga muhojirlar oqimi cheklanishi kerak.
Tomonlar iyul oyida bu borada kelishuv imzolagan edi. Umumiy hisobda Tunis Bryusseldan 127 million yevro oladi.
Ushbu mablag‘larning bir qismi mamlakat qirg‘oq qo‘riqlash xizmati uchun kemalarni taʼmirlash va qayta jihozlashga yo‘naltiriladi. Xalqaro migratsiya tashkiloti bilan birgalikda mablag‘ning yana bir qismi qochqinlarni himoya qilishga sarflanadi.
Birinchi transhlarni chiqarish yaqinda Italiyaning Lampeduza oroliga migrantlarning ommaviy kelishi ortidan tezlashdi. Yevrokomissiya Tunisdagi muhojirlarni hibsga olish hech qanday qonunbuzarliklarsiz amalga oshirilishiga ishontirmoqda. O‘zaro imzolangan memorandumga ko‘ra, Yevropa Ittifoqi va Tunis xalqaro huquqni to‘liq hurmat qilish va migrantlar qadr-qimmatini hurmat qilish asosida hamkorlik qilishga kelishib olgan.
