Armaniston Ozarbayjonni sudga berdi
Rasmiy Yerevan Gaagadagi Xalqaro sudga murojaat qilgan.
Armaniston Ozarbayjonga nisbatan vaqtinchalik chora qo‘llash talabi bilan Gaagadagi Xalqaro sudga murojaat qildi.
“Armaniston Respublikasi Nizomning 41-moddasi va Sud Reglamentining 73-moddasiga asoslanib, 28-sentyabr kuni sudga Xalqaro konvensiyada mustahkamlangan huquqlarni saqlash va himoya qilish bo‘yicha vaqtinchalik choralar ko‘rish to‘g‘risida iltimosnoma yubordi” - deyiladi bayonotda.
Armaniston BMT sudini Ozarbayjonning “Tog‘li Qorabog‘dan qolgan etnik armanlarni ko‘chirishga qaratilgan to‘g‘ridan-to‘g‘ri yoki bilvosita har qanday harakatlarni amalga oshirishdan” voz kechish majburiyatini tasdiqlashga chaqirdi.
Eslatib o‘tamiz, 19 sentyabr kuni Ozarbayjon Qorabog‘da “konstitutsiyaviy tuzumni tiklash” uchun “antiterror tadbirlari” o‘tkazilishini eʼlon qilgan edi. Shu kuni Boku operatsiyani tugatish shartlarini, jumladan, mintaqadagi kuchlarni taslim qilish va qurolsizlantirishni eʼlon qildi. 20 sentyabr kuni Tog‘li Qorabog‘ hokimiyati o‘t ochishni to‘xtatish taklifini qabul qildi.
