Yaponiya yo‘talga qarshi dori vositalaridan foydalanishni cheklamoqchi
Bu bo‘yicha SSV shifokorlarga tavsiyanoma yuborgan.
Yaponiya Sog‘liqni saqlash vazirligi butun mamlakat bo‘ylab koronavirus va gripp infeksiyalarining tarqalishi davom etayotganiga qaramay, cheklangan taʼminot tufayli yo‘talni bostiruvchi yoki balg‘amni to‘xtatuvchi vositalarni bemorlarga buyurishni cheklashni so‘ramoqda.
NHK telekanali maʼlumotlariga ko‘ra, koronavirus infeksiyasi bilan kasallanganlar soni ketma-ket uchinchi hafta, gripp esa ketma-ket beshinchi hafta o‘sib bormoqda. Oqibatda bir qator hududlarda zarur dori vositalari bilan taʼminlash muammosi yuzaga kelgan.
Shu munosabat bilan Yaponiya Sog‘liqni saqlash vazirligi mahalliy maʼmuriyat va tibbiyot muassasalariga cheklangan mavjud dori vositalaridan foydalanish kunlarini minimal miqdorgacha cheklash bo‘yicha tavsiyanoma berdi.
