Ozarbayjon Gaaga sudida Armanistonning daʼvosiga javob berdi
Ozarbayjon tomoni Armanistonni irqiy nafrat uyg‘otganlikda aybladi.
Ozarbayjon Armanistonni Gaagadagi BMT sudida ochilgan daʼvo tufayli nafrat uyg‘otganlikda aybladi. Bu haqda Ozarbayjon tashqi ishlar vazirligi spikeri Ayxan Hojizoda maʼlum qildi.
Uning so‘zlariga ko‘ra, ozarbayjonliklarga nisbatan irqiy nafrat uyg‘otishga qaratilgan bu sud jarayonlari mutlaqo qabul qilinishi mumkin emas. Bu, shuningdek, Armaniston Ozarbayjonning hududiy yaxlitligi va suverenitetiga tajovuz qilishga urinishlaridan voz kechmayotganini bildiradi.
"Birlashgan Millatlar Tashkiloti Xavfsizlik Kengashi misolida bo‘lgani kabi, Armaniston o‘zining makkor siyosiy dasturini amalga oshirish uchun Xalqaro Sudni suiisteʼmol qilmoqda. Armaniston joriy yilning o‘zida uchinchi marta sudga murojaat qilmoqda. Biz shuni taʼkidlaymizki, Armaniston tomonidan yanvar va may oyida berilgan arizalar sudyalar tomonidan bir ovozdan rad etilgan. Ozarbayjon tomoni Armanistonning asossiz daʼvolariga izchil javoblarni aks ettiruvchi pozitsiyani taqdim etadi", - deyiladi TIV bayonotida.
Shanba kuni Armaniston Ozarbayjonga qarshi irqiy kamsitishning barcha shakllariga barham berish to‘g‘risidagi konvensiyani buzganlikda hamda Tog‘li Qorabog‘dagi armanlarning huquqlarini poymol qilishda ayblab, Xalqaro sudga daʼvo qilgani maʼlum bo‘lgan edi.
