Slovakiyada it mashina haydab, politsiyani hayratga soldi
U tezlikni oshirib, qonunni ham buzgan.
Slovakiyada qoidabuzarliklarni yozib oladigan kamera obyektivi noodatiy kadrni qayd etdi. It mashinani boshqarayotgan edi. Bundan tashqari, jonivor shunchaki haydabgina qolmay, balki tezlikni belgilangan meʼyordan jiddiy oshirgan-mashina soatiga 135 kilometr tezlikda ko‘chalar bo‘ylab yurdi.
Poytaxt Bratislava shimoli-sharqidagi Sterusy qishlog‘ida itning mashina haydab ketayotganidan politsiya hayron bo‘ldi va ijtimoiy tarmoqlarda huquqbuzarning suratini “Janob It, siz qishloqda tezlikni oshirdingiz" yozuvi bilan tarqatdi.
Politsiyaning haziliga qaramay, it va mashinaning egasi aniqlanib, jarimaga tortildi. Mashina egasining aytishicha, uning iti mashinani boshqarmagan, u kameraga tushishidan bir soniya oldin uning tizzasiga sakrab tushgan.
