"Tog‘li Qorabog‘da tinch aholiga nisbatan hech qanday qoidabuzarlik aniqlamadi"
BMT missiyasi hududdagi holat bo‘yicha maʼlumot berdi.
Tog‘li Qorabog‘ga borgan BMT guruhi tinch aholiga nisbatan hech qanday qoidabuzarlik yoki fuqarolik infratuzilmasiga zarar yetkazilganini aniqlamadi.
1 oktyabr, yakshanba kuni tashkilot vakillari Ozarbayjon kuchlari etnik armanlar yashovchi Qorabog‘ni nazorat ostiga olganidan bir necha hafta o‘tib Xankendi (Stepanakert) shahriga tashrif buyurgan.
Armanistonning Ozarbayjon tomonidan mintaqadagi etnik tozalashga oid bayonotlariga qaramay, Boku bunday harakatlarni rad etadi. Ozarbayjon hukumati mahalliy arman aholisining Qorabog‘ni tark etmasligidan manfaatdor ekanini daʼvo qilmoqda.
BMT missiyasi vaziyatni joyida baholash, qolganlar va ko‘chib kelganlarning gumanitar ehtiyojlarini aniqlashni maqsad qilgan.
Taʼkidlanishicha, Qorabog‘ga tashrif buyurgan guruh tinch aholiga nisbatan zo‘ravonlik holatlariga duch kelmagan, shuningdek, “qishloq xo‘jaligi infratuzilmasi vayron bo‘lganini yoki o‘lgan hayvonlarni payqamagan”.
Eslatib o‘tamiz, 19 sentyabr kuni Ozarbayjon Mudofaa vazirligi Qorabog‘da “konstitutsiyaviy tuzumni tiklash” uchun “aksilterror tadbirlari” o‘tkazilishini eʼlon qilgandi.
