2023 yil sentyabr kuzatuvlar tarixidagi eng issiq oy bo‘ldi
Kelgusi besh yil ichida global harorat rekord darajaga yetishi mumkin.
2023 yil sentyabr kuzatuvlar tarixidagi eng issiq oy bo‘ldi. Bu haqda BMT Jahon meteorologiya tashkiloti o‘z veb-saytida eʼlon qildi.
Maʼlumotlarga ko‘ra, sentyabr oyida o‘rtacha sirt harorati 16,38 ° C ni tashkil etdi. Bu 2020 sentyabr oyiga nisbatan 0,5 ° C yuqori va sanoatdan oldingi bilan solishtirganda taxminan 1,75 ° C issiqroq. Iyun oyidan beri dunyo quruqlik va dengizda misli ko‘rilmagan issiqlikni boshdan kechirmoqda.
"Tashvishlanarlisi, El-Ninyo isishi hamon davom etmoqda va shuning uchun bu rekord haroratlar bir necha oy davom etishini, atrof-muhit va jamiyatga keskin taʼsir ko‘rsatishini kutishimiz mumkin”, dedi mutaxassis.
Kelgusi besh yil ichida global harorat rekord darajaga yetishi mumkin. Bunga antropogen omil, yaʼni issiqxona gazlari va tabiiy omil - okean oqimlari fazalarining La-Ninyadan El-Ninyogacha o‘zgarishi yordam beradi. Bu hodisa nafaqat sayyoradagi o‘rtacha haroratga, balki yog‘ingarchilik tartibiga ham taʼsir qiladi. Oqimlar fazalarining o‘zgarishining o‘ziga xos xususiyati shundaki, La-Nina paytida atmosferadan issiqlik okeanga intensiv ravishda tushadi va El-Ninyo paytida oqim okeandan atmosferaga o‘tadi. Fazalarni o‘zgartirish jarayoni shu yilning yozida boshlangan.
