Tramp AQSHda yangi lavozimni egallashi mumkin
Taklifni bir qator kongressmenlar yuborgan.
AQSHning sobiq prezidenti Donald Tramp agar Respublikachilar partiyasi boshqa nomzod bo‘yicha kelisha olmasa, Vakillar palatasi spikeri lavozimini vaqtincha egallashga tayyorligini aytdi.
"Men buni xohlaganim uchun qilmayapman. Ular mendan partiya manfaati uchun qisqa muddatga, kelishuvga kelgunlaricha lavozimni qabul qilishga rozi bo‘lasizmi deb so‘rashdi", dedi Tramp.
Sobiq prezidentning so‘zlariga ko‘ra, u mamlakat hokimiyat iyerarxiyasidagi uchinchi lavozimni 30, 60 yoki 90 kunlik muddatga - partiyadoshlar uzoqroq muddatga kelishib olmaguncha qabul qilishga rozi.
Siyosatchining aniqlik kiritishicha, bu so‘rov uning Kongressdagi ko‘plab “do‘stlari”dan kelgan.
Spiker stulini hech qachon Vakillar palatasidan tashqaridagi shaxs egallamagan, ammo qonun bu variantni taqiqlamaydi. Bir qancha kongressmenlar Kevin Makkarti lavozimidan chetlatilganidan keyin bo‘shatilgan lavozimda Trampni ko‘rishni istashlarini allaqachon aytishgan.
Spikerlik uchun saylov kelasi haftaga belgilangan va undan bir kun oldin respublikachilar nomzodlarni muhokama qilish uchun yig‘ilish o‘tkazadi.
