YIdagi eng baland cho‘qqi — Monblan tog‘i ikki metrga pasaygan
Kelajakda u avvalgi balandligini tiklay oladimi?
Rasmiy maʼlumotlarga ko‘ra, hozir uning balandligi 4805,59 metrni tashkil qiladi. Yaʼni 2021 yilga nisbatan 2,22 metrga kam.
"Bu holatga yozda yog‘ingarchilikning kamligi taʼsir qilishi mumkin va bu hodisa uzoq vaqt davomida kuzatilgan", — dedi Shamonidagi matbuot anjumanida Oliy Savoyya geodeziya xizmati rahbari Jan de Gar.
Uning so‘zlariga ko‘ra, ikki yildan so‘ng Monblan, shubhasiz, yana ko‘tarilishi mutlaqo mumkin.
Maʼlumotlar yig‘ish 2001 yilda boshlangan. Uning maqsadi haroratning oshishi Alp tog‘lariga qanday taʼsir qilishini aniqlashdir.
Qorning yog‘ishi va erishi natijasida balandlikning o‘zgarishi oddiy hodisa, shuning uchun kelajakda u yo‘qolgan balandlikni tiklab, undan ham yuqoriroq ko‘tarilishi mumkin.
2017 yilda tog‘ tizmasi hududida joylashgan uchta davlat — Fransiya, Italiya va Shveysariya uni YUNESKOning Jahon merosi ro‘yxatiga kiritishni taklif qildi. O‘sha paytda quruqlikdagi eng baland tog‘ning cho‘qqisi 4808,72 metrga yetgan.
