Brendlar jangi

 

Buyuk Britaniyaning EasyJet aviakompaniyasi musiqiy guruhni sudga berdi. Bunga guruh nomidagi “easy” so‘zi sabab.

 

Easy Life musiqiy guruhi ijtimoiy tarmoqda aviakomrpaniya ularni katta sud mojarosiga tortayotganini eʼlon qildi. Shuningdek, musiqachilar bunday ulkan korporatsiya oldida kuchsiz ekanini ham tan olgan. Shunga qaramay, ular vaziyat ustidan kulishga kuch topmoqda.

 

"Konsertga chipta oldim deb o‘ylab, Tenerifga arzon samolyotda borib qolgan bo‘lsangiz, sizdan uzr so‘raymiz", deyiladi guruh xabarida.

 

Easy Life 2017 yilda paydo bo‘lgan guruh bo‘lib, 2021 va 2022 yillarda chiqarilgan ikki albom Britaniya reytinglarida ikkinchi o‘rinni egallagan.

 

Yil boshida ular moliyaviy qiyinchilik tufayli Shimoliy Amerika bo‘ylab turnesini bekor qildi.

 

Gap shundaki, easyJet‘ga egalik qiluvchi EasyGroup kompaniyasi savdo belgisidan foydalangani uchun qator brendlar bilan sudlashgan.

 

EasyGroup vakili faqatgina kompaniya va uning asoschisi Stelios Xadji-Ioannu bu so‘zga egalik qilishi mumkinligini bildirdi.

 

2014 yilda kompaniya asoschisi Stelios Xadji-Ioannu Netflixni Easy deb nomlangan komedik serial uchun sudga bermoqchi bo‘lgan. Uning so‘zlariga ko‘ra, serial nomi Yevropanirg tovar belgilari haqidagi qonunini buzadi.

 

 

Barbi mojarosi

 

1997 yilda Daniyaning Aqua guruhi Barbie Girl qo‘shig‘ini eʼlon qilgan. U zudlik bilan ommalashdi. Ammo bu Mattel kompaniyasi huquqshunoslariga yoqmadi. Kompaniya xuddi shu nomoi plastik qo‘g‘irchoqni ishlab chiqarish bilan shug‘ullanadi. Oradan yarim yil o‘tib Mattel MCA records leyblini sudga berdi.

 

Arizada aytilishicha, kompaniya Barbie nomidan foydalanishga ruxsat bermagan.

 

Ish AQSH appelyatsiya sudigacha yetib bordi. Ammo sudya Aleks Kozinski MCA foydasiga hukm chiqardi. U qo‘shiq parodiya ekani va konstitutsiyaga kiritilgan birinchi o‘zgartirish bilan himoyalanganini aytdi.

 

Mattel ishni AQSH Oliy sudga olib chiqishga urindi, ammo urinishlari besamar ketdi 

 

Ok Go va sud

 

Amerikaning Ok Go rokerlar guruhi ham bir necha oy sudma-sud yugurgan. Ular Post Food oziq-ovqat brendi bilan kurashdi. Mazkur savdo belgisi 2011 yilda Ok Go nomi bilan tez tayyorlanadigan bo‘tqa ishlab chiqarishni boshladi. Guruh 2008 yildan beri bu so‘z birikmasiga egalik qiladi.

 

Guruh bu haqda Post Foods kompaniyasiga maktub yozib ogohlantirdi. Bunga javobran kompaniya musiqiy guruhni sudga berdi.

 

Ammo ikkada taraf suddan oldin mojaroni hal qilishga kelishib oldi. Advokatlar esa Minnesota sudiga oldingi arzani bekor qilishni so‘rab murojaat qildi.

 

Yakunda kompaniya saytidan shu nomdagi mvhsulotini butunlay o‘chirib tashladi. Sud xarajatlarini esa hamma o‘zi to‘ladi.