AQSHda dunyodagi eng katta qovoq yetishtirildi
Uning vazni 1 tonnadan ortiq.
Minnesotalik o‘qituvchi AQSHda har yili o‘tkaziladigan oshqovoq musobaqasida g‘olib bo‘ldi.
Musobaqa Kaliforniyada 50-marotaba o‘tkazilmoqda. Forkliftlar va maxsus kamarlar yordamida ulkan qovoqlar raqamli tarozilarga joylashtirildi.
G‘olib bo‘lgan sabzavotning vazni deyarli 1300 kilogrammni tashkil etdi. Shunday qilib, o‘qituvchi Trevis Ginger eng og‘ir qovoq yetishtirish bo‘yicha yangi jahon rekordini o‘rnatdi.
Mukofot 30 ming dollarni tashkil etdi. Maʼlum qilinishicha, gigant sabzavot 14 oktyabr kuni bo‘lib o‘tadigan qovoq festivalida taqdim etiladi.
