Falastin — Isroil mojarosi: salkam 1 500 ga yaqin odam halok bo‘ldi
G‘azo sektorida 3 mingga yaqin, Isroilda esa 2,5 mingga yaqin fuqaro jarohatlangan.
Falastin Sog‘liqni saqlash vazirligi, Falastin Qizil Yarim Oy Jamiyati va Isroil Tibbiyot xizmati maʼlumotlariga ko‘ra, Falastin — Isroil urushida qancha odam halok bo‘lgani haqidagi maʼlumotlar eʼlon qilindi.
G‘azo sektorida 510 kishi halok bo‘ldi, 2750 dan ortiq kishi jarohatlandi.
Isroilda esa 800 dan ortiq odam halok bo‘ldi, 2243 dan ortiq kishi jarohat oldi.
Eslatib o‘tamiz, shanba kuni Falastinning HAMAS guruhi Isroilga hujum qilib, mamlakat urush holatiga o‘tganidan so‘ng bir qator davlatlar o‘z fuqarolarini Isroildan evakuatsiya qilishni boshladi.
Dushanba kuni ertalab Isroil harbiy amaldori butun aholi punkti nazorat ostida ekani va Isroil hududida hech qanday harbiy harakatlar yo‘qligini aytdi. Biroq Isroilda hamon HAMAS qo‘shinlari bo‘lishi mumkinligi aytilmoqda.
Kecha HAMAS Tel-Aviv aeroportiga raketa uchirgani maʼlum bo‘ldi. Shuningdek, Isroil mudofaa vaziri Yoav Gallant G‘azo butunlay izolyatsiya qilinganligini eʼlon qildi. U yerda elektr toki, oziq-ovqat, suv va yoqilg‘i bo‘lmasligini aytdi.
Falastin Prezidenti Mahmud Abbos bunga javoban anklavning suv, elektr va oziq-ovqat bilan taʼminlanishini to‘xtatish insoniyatga qarshi jinoyat hisoblanishi va xalqaro aralashuvni talab qilishini taʼkidladi.
