Entoni Blinken Isroilga keldi
AQSH Davlat kotibining tashrifi nimani anglatadi?

AQSH Davlat kotibi Entoni Blinken Yaqin Sharqqa safari doirasida Isroilga keldi. Bu haqda 12 oktyabr kuni "Times of Israel" gazetasi xabar berdi.
Qayd etilishicha, Davlat departamenti rahbari Isroil bosh vaziri Benyamin Netanyaxu, prezident Isaak Gertsog va boshqa rasmiy shaxslar bilan uchrashadi.
Blinken parvoz oldidan jurnalistlar bilan suhbatda Isroilga AQSH prezidenti va Amerika xalqi nomidan “aniq qo‘llab-quvvatlash xabari bilan” ketayotganini aytdi.
Nashr maʼlumotlariga ko‘ra, 13 oktyabr kuni davlat kotibi Ummonga tashrif buyurib, u yerda Iordaniyaning yuqori martabali rasmiylari, shuningdek, Falastin maʼmuriyati prezidenti Mahmud Abbos bilan ham uchrashadi.







