Turkiyadagi mehmonxonadan Rossiya diplomatining jasadi topildi
Rossiya TIV elchining o‘limini tasdiqladi, biroq voqea tafsilotlarini ochiqlamadi.
Rossiya Tashqi ishlar vazirligining umumiy Yevropa hamkorligi bo‘limi boshlig‘i Nikolay Kobrinets Istanbul shahrining Taksim tumanidagi mehmonxonadan o‘lik holda topildi.
Rossiyalik diplomat Istanbulga elchilar uchrashuvi uchun kelgan. U yig‘ilishga kelmavermagach, hamkasblari undan xavotir olib, mehmonxona bilan bog‘lanishgan. Xodimlar elchining xonasiga kirganda uni o‘lik holda ko'rishgan.
Kobrinets yurak xurujidan vafot etgani aytilmoqda. Bunga aniqlik kiritish maqsadida jasad ekspertizaga olib ketilgan.
Rossiya TIV matbuot xizmati Kobrinetsning o‘limini tasdiqladi, biroq nima sabab bo‘lganini ochiqlamadi.
