Prezident Sankt-Peterburgning tarixiy obidalari bilan tanishdi
Tanishuv chog‘ida saroylar tarixi, ularning ichki bezagi va badiiy to‘plamlari to‘g‘risida batafsil so‘zlab berildi.
O‘zbekiston Prezidenti Shavkat Mirziyoyev MDH norasmiy sammitining madaniy tadbirlar dasturi doirasida Sankt-Peterburg shahrining saroy-bog‘ majmualari bilan tanishdi.
Davlat rahbari Rossiya, Ozarbayjon, Armaniston, Qozog‘iston, Qirg‘iziston, Tojikiston va Turkmaniston yetakchilari bilan birgalikda “Pavlovsk”, “Sarskoye selo” va “Petergof” muzey-qo‘riqxonalariga tashrif buyurdi.
XVIII-XIX asrlarda barpo etilgan ushbu tarixiy obidalar YUNESKO Butunjahon merosi ro‘yxatiga kiritilgan, meʼmorchilik va bog‘chilik sanʼati durdonalari sifatida tan olingan.
Tanishuv chog‘ida davlat rahbarlariga saroylar tarixi, ularning ichki bezagi va badiiy to‘plamlari to‘g‘risida batafsil so‘zlab berildi. Oliy martabali mehmonlar eʼtiboriga musiqa va xalq og‘zaki ijodi jamoalarining chiqishlari havola etildi.
