Olmazor tumanidagi YTH oqibatida haydovchi vafot etdi
Transport hodisasi 3 ta mashina ishtirokida sodir bo‘lgan.
Joriy yilning 4 mart kuni soat 21:00 larda Olmazor tumani Jarariq ko‘chasi 11-uy qarshisida (voyaga yetmagan) haydovchi 2008 yilda tug‘ilgan Q.S. boshqaruvida bo‘lgan Spark, 1984 yilda tug‘ilgan R.R. boshqaruvida bo‘lgan Nexia-2 hamda 2000 yilda tug‘ilgan R.A. boshqaruvidagi Lacetti rusumli avtomashinalari ishtirokida yo‘l transport hodisasi sodir bo‘lgan.
Avtohalokat natijasida Nexia-2 haydovchisi olgan tan jarohatlari sabab shifoxonada vafot etgan. Shuningdek Spark rusumli avtomashinasining haydovchisi va 1 nafar 2009 yilda tug‘ilgan yo‘lovchisi tan jarojat olib shifoxonaga yotqizilgan.
Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.
Hozirda tergov harkatlari olib borilmoqda.
