Darsga kelmayotgan o‘quvchining otasi maktabda janjal ko‘tardi
Farzandining tartib-intizomi ham salbiy tomonga o‘zgarayotganini eshitgan ota bunga chidab turolmagan.
Joriy yilning 12 mart kuni Chilonzor tumanida joylashgan 200-maktab direktori va inspektor-psixologi tomonidan maktab o‘quvchilari tahlil qilinib, surunkali ravishda dars qoldirayotgan hamda tartib intizomi yaxshi bo‘lmagan o‘quvchilardan birining otasi fuqaro M.E. suhbatga chaqirtirilgan.
Suhbat mobaynida maktab direktori va inspektor-psixolog, fuqaro M.E.ga farzandining darsga kelmayotganining sabablarini so‘rab, darsda o‘zini tutishi ham o‘zgarib qolgan haqida maʼlumot berilgan va birgalikda shug‘ullanish zarurligi tushuntirilgan. Fuqaro M.E esa o‘g‘lining xati-harakatlaridan jahli chiqib, maktab maʼmuriyati bilan hamkorlikda ishlash o‘rniga, aksincha, ularga aybni ag‘darib, janjal ko‘targan.
Fuqaro tezkor harakatlanuvchi guruh xodimlari tomonidan tuman IIBga olib borilgan va unga nisbatan MJtKning 47-moddasi bo‘yicha bayonnoma rasmiylashtirilgan.
