AQSHda qoplamasi yo‘qolgan samolyot parvoz qildi
Bortda 139 nafar yo‘lovchi va 6 nafar ekipaj aʼzosi bo‘lgan.
San-Fransiskodan Medfordga uchayotgan United Airlines aviakompaniyasining Boeing 737 samolyoti parvoz paytida qoplamaning bir qismini yo‘qotdi, biroq o‘z manziliga muvaffaqiyatli qo‘ndi.
Maʼlumotlarga ko‘ra, bortda 139 nafar yo‘lovchi va 6 nafar ekipaj aʼzosi bo‘lgan. Qurbonlar yo‘q.
Tashqi panelning yo‘qolishi faqat samolyot qo‘ngandan keyin sezildi. Kompaniya vakilining maʼlum qilishicha, aviatashuvchi “samolyotni puxta tekshirish va taʼmirlash”, shuningdek, “hodisa sabablarini aniqlash bo‘yicha tekshiruv” o‘tkazadi.
