Polshada mast erkak haydovchilik imtihoni topshirmoqchi bo‘ldi
Bu uning yettinchi bor urinishi hisoblanadi.
Polshaning Chestoxova shahrida mast erkak haydovchilik imtihonini topshirmoqchi bo‘ldi.
Mahalliy nashrlarning yozishicha, shundan so‘ng unga imtihon topshirishga ruxsat berilmagan. Voqea joyiga zudlik bilan politsiya chaqirilgan.
"Yo‘l harakati politsiyasi xodimlari haydovchini alkogollilik tekshiruvidan o‘tkazdi. Uning tanasida 2,5 ppm alkogol bor edi", deyiladi xabarda.
Aniqlik kiritilishicha, bu erkakning amaliy haydash imtihonidan o‘tishga yettinchi urinishi bo‘lgan. Uning o‘zi politsiya bilan suhbatda o‘tmishdagi muvaffaqiyatsizliklariga stress sabab bo‘lganini va bu safar spirtli ichimliklar ichish orqali dam olishga qaror qilganini aytdi.
