Afg‘onistonda xiyonatkor ayollarni toshbo‘ron qilish taklif etildi
Hukumat bu bo‘yicha buyruq chiqarishi kutilmoqda.
Tolibon hukumati Afg‘onistonda toshbo‘ron qilish amaliyotini qayta tiklash bo‘yicha rasmiy buyruq chiqaradi.
“Biz yaqinda xiyonat uchun jazoni joriy qilamiz. Biz ayollarni omma oldida kaltaklaymiz. Biz ularni toshbo‘ron qilamiz. Bularning barchasi sizning demokratiyangizga zid, lekin biz buni davom ettiramiz”, - dedi Oxundzoda.
Tolibon Afg‘onistonda hokimiyat tepasiga 2021 yilda kelgan. Mamlakat konstitutsiyasi va jinoyat kodeksining amal qilish muddati to‘xtatildi. Ular amalda shariat qonunlarining fundamentalistik talqini bilan almashtirildi.
Yangi hukumat avvalgi hukumat apparatida ishlagan ayollarni, shuningdek, sudya va advokatlarni taʼqib qila boshladi. Taʼlim barcha ayollar uchun mutlaqo imkonsiz bo‘lib qoldi. Ular go‘zallik salonlari, parklar, sport zallari va jamoat hammomlariga tashrif buyurishlari mumkin emas.
