G‘arbiy Qozog‘istonda 750 kishi evakuatsiya qilindi
2-aprel kuni Gʻarbiy Qozogʻiston viloyatida favqulodda holat e'lon qilindi.
G‘arbiy Qozog‘iston viloyati Terektinskiy tumani Podstepnoye qishlog‘i va Uralskda 750 kishi evakuatsiya qilindi.
– Dalalardan katta hajmdagi erigan suvning O‘zinko‘l suv omboriga oqib tushishi tufayli uning toshib ketishi va G‘arbiy Qozog‘iston viloyati Terektin tumanidagi O‘zinko‘l qishlog‘ini suv bosishi xavfi mavjud. Shu munosabat bilan Terektin tumanidagi Podstepnoye qishlog‘i va Uralsk shahrida aholini erta evakuatsiya qilish ishlari olib borildi. Hammasi bo'lib 750 kishi evakuatsiya qilindi, shu jumladan, 230 nafar bola, — deya xabar berdi Qozog‘iston Respublikasi Favqulodda vaziyatlar vazirligi.
Suv toshqini oldini olish va evakuatsiya qilish uchun Favqulodda vaziyatlar vazirligi, mahalliy ijro hokimiyati organlari, ichki ishlar boʻlimining 112 kishi va 39 birlik turli texnikasi jalb etilgan. Suv ombori to‘g‘onining korpusini mustahkamlash choralari ko‘rilmoqda, ishlar davom etmoqda.
O‘zinko‘l suv omborida o‘pirilish sodir bo‘lgan taqdirda O‘zinko‘l, Yubileynoye, Kemer, Jana Omir va Barbastau qishloqlarini suv bosishi xavfi mavjud, deya ta’kidladi Qozog‘iston Respublikasi Favqulodda vaziyatlar vazirligi.
2-aprel kuni Gʻarbiy Qozogʻiston viloyatida favqulodda holat e'lon qilindi. Viloyat hokimining o‘rinbosari Qaliyar Aytmuhambetov mas’ul etib tayinlandi. Unga tabiiy favqulodda vaziyatlarning oqibatlarini bartaraf etishga qaratilgan tadbirlarni amalga oshirish yuklangan.
Qozog'iston gidrometi hafta oxirigacha mintaqada suv sathi oshishi haqida ogohlantirildi.
