Endi elektr toki bilan baliq ovlaganlar jinoiy javobgarlikka tortilishi mumkin
Oliy Majlisda ushbu masala ko‘rib chiqilmoqda.
Oliy Majlis Qonunchilik palatasi deputati Qodir Jo‘rayevning maʼlum qilishicha, hozirda ishchi guruh tuzgan holda elektr toki yordamida baliq ovlaganlik uchun jazo choralarini kuchaytirish, jumladan, Jinoyat kodeksiga alohida modda kiritish masalasi o‘rganib chiqilmoqda.
Yaqinda Prezident Shavkat Mirziyoyev raisligida o‘tkazilgan videoselektor yig‘ilishida 2024 yilning o‘tgan 3 oyida 39 ta elektr toki yordamida baliq ovlash holatlari aniqlangani qayd etilgandi.
Mutaxassislarning fikricha, suvga elektr toki yuborilganda — 10-15 metrgacha radiusdagi minglab baliqchalar qirilib ketadi.
