Muftiy Islomiy fiqh akademiyasiga aʼzo bo‘ldi
Bu haqda Saudiyada o‘tgan yig‘ilishda eʼlon qilindi.
20 aprel kuni Saudiya Arabistoni poytaxtida Islom olami uyushmasi tarkibidagi Islomiy fiqh akademiyasining 23-davra yig‘ilishida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ushbu Kengash aʼzoligiga qabul qilinganlari eʼlon qilindi.
Islomiy fiqh akademiyasi Shayx Nuriddin Xoliqnazar hazratlarini ushbu nufuzli akademiya aʼzoligiga qabul qilish haqida qaror qabul qildi.
Unda ishtirok etayotgan dunyoning yetakchi ulamolari Muftiy hazratlarini ushbu martaba bilan qutlab, O‘zbekistondagi diniy-maʼrifiy sohadagi islohotlarni yuqori baholadilar.
Taʼkidlanishicha, shu paytga qadar ham Shayx Nuriddin Xoliqnazar hazratlari Xalqaro musulmon ulamolari kengashi va Musulmon donishmandlar kengashi aʼzosi sifatida nufuzli tadbirlardagi tashabbuslari musulmon dunyosi tomonidan qo‘llab-quvvatlanmoqda.
