Ramzon Qodirovning 18 yoshli o‘g‘li sport vaziri bo‘ldi

Rossiyaning Checheniston hududi rahbari Ramzon Qodirovning to‘ng‘ich o‘g‘li Axmat Qodirov Sport vaziri etib tayinlandi. Bu haqda Ramzan Qodirov o‘zining Telegram-kanalida maʼlum qildi. 

 

Axmat Qodirov 2023 yil noyabrda 18 yoshga to‘lgandi. O‘shandan beri u Checheniston hukumatidagi to‘rtinchi lavozimini almashtirmoqda. Axmat Qodirov fevral oyidan beri yoshlar ishlari bo‘yicha vazir lavozimida ishlab kelayotgandi.

 

Ilgari bu lavozimda ishlagan Iso Ibragimov Checheniston hukumati maʼmuriyati rahbari o‘rinbosari lavozimiga o‘tkazildi. Bundan tashqari, Ramzan Vismurodov viloyat Yoshlar ishlari vazirligiga rahbarlik qiladi, Temirlan Xuchiyev esa respublika sanoat va energetika vaziri lavozimiga tayinlandi.

 

Qodirovning to‘ng‘ich o‘g‘li avval respublika Jismoniy tarbiya, sport va yoshlar siyosati vazirining birinchi o‘rinbosarligi, shuningdek, "Birinchilar harakati" Butunrossiya bolalar va yoshlar harakatining Checheniston viloyati bo‘limi kengashini boshqargan.

 

Maʼlumot o‘rnida: Checheniston rahbari va uning rafiqasi Mednining 14 farzandi bor – sakkiz o‘g‘il va olti qiz. Ularning aksariyati respublika hukumatida yuqori lavozimlarni egallab, muntazam ravishda mukofotlarga sazovor bo‘lmoqda.

 

Masalan, 16 yoshli Adam Qodirov Chechenistonda bir nechta masʼul lavozimlarga tayinlangan, shuningdek, o‘ndan ortiq davlat mukofotlari bilan taqdirlangan.

 

2023 yil oktyabr oyida Qodirovning to‘ng‘ich qizi 24 yoshli Oysha hukumat raisining ijtimoiy blok bo‘yicha o‘rinbosari lavozimini egalladi. Uning 23 yoshli singlisi Xadicha Grozniy meriyasining maktabgacha taʼlim bo‘limiga rahbarlik qiladi. Qodirovning uchinchi qizi, 21 yoshli Xutma 2023 yil mart oyida sog‘liqni saqlash sohasi kuratori etib tayinlangan edi. 19 yoshli Tabarik Qodirova «Irs Grupp» kompaniyasiga egalik qiladi. Uning faoliyati chakana savdo, rus va xorijiy brendlarni jalb qilish, mehmonxona biznesi va boshqa sohalarni o‘z ichiga oladi.